Deputatdan nazirliklərə xəbərdarlıq: Parlamentdə adlarını çəkəcəyəm
“Mən parlamentdə Elm və Təhsil Nazirliyi haqqında danışmışdım. Təhsil nazirinə təkliflər vermişdim ki, İmişli rayon 1 saylı tam orta məktəbinə modul otaqlar göndərilsin. Çünki orada dəhşətli dərəcədə sıxlıq var. Üzərindən bir il keçsə də göndərilməyib. Həmçinin həmin məktəbin akt zalı sınıq stul, stol, şkafla doldurulub, zibilləri yığıblar ora. Direktorun da əlindən heç nə gəlmir. Nəhayət, mən o akt zalını təmizlətdirdim. Amma yenə də orada müəyyən şeylər qalır. Heyrətimə səbəb olan da odur ki, məktəbin akt zalı işləmirsə, hansı vətənpərvərlik tərbiyəsindən söhbət gedə bilər? Üstəlik, məktəbin səhnəsi də yer olmaması üzündən bufetə verilib”.
Bu sözləri Oxu.Az-a açıqlamasında deputat Səyyad Aran deyib.
O bildirib ki, həmin məktəb 1964-cü ildə istifadəyə verilib:
“Yəni 62 ildir. Səsləndirdiyim problem isə tam olaraq həllini tapmayıb. Elm və Təhsil Nazirliyi ilə bağlı qeydlərim, iradlarım hələ də həyata keçmir. Parlament nə üçündür? Gördüklərimizi, bildiklərimizi, xalqın bizə söylədiyi nöqsanları, iradları, məsləhətləri orada danışmaq üçün. Milli Məclisdə də danışırıq, necə deyərlər, mesaj ötürürük ki, belə məsələlər var. Bir il ərzində bu problemi həll edə bilmirsənsə, mənim sənə sözüm yoxdur”.
Deputat əlavə edib ki, bu dəfə əsas giley-güzarı Elm və Təhsil Nazirliyindən olub, növbəti dəfə imkan olsa, başqa nazirliklər haqqında da sözünü deyəcək:
“Həmin qurumlarla bağlı qeydlər aparmışam. Parlamentdə növbəti iclaslarda adlarını çəkəcəyəm”.
TREND
- Deputatdan nazirliklərə xəbərdarlıq: “Parlamentdə adlarını çəkəcəyəm”
- Maliyyə Nazirliyi liftlərin alınması ilə bağlı tender elan edib
- Bakıda “Lipid Məktəbi” keçirilib – dislipidemiyaların idarə olunmasında müasir yanaşmalar müzakirə edilib
- Tikinti sektorunda geriləmə – Mənzil bazarını nə gözləyir?
- Əməkdar mədəniyyət işçisi Vaqif Vəliyevin doğum günüdür
- Hanoyda İlham Əliyevin və Mehriban Əliyevanın şərəfinə rəsmi nahar verilib
- Məleykə Abbaszadə yeni vəzifəsində ilk onu işdən çıxardı
- Neftçalada YAP-ın 34-cü ildönümü münasibətilə tədbir keçirilib – FOTOLAR


