“Oba” marketlər şəbəkəsinə aid mağaza satışa çıxarılıb.
Kürdəmir rayonu, Xırdapay kəndində 270.5 kv.m ibarət qeyri yaşayış binası, torpaq sahəsi istisna olmaqla satışa çıxarılıb.
Mağazanın satışı hərrac üsulu ilə həyata keçiriləcək.
Mağazanın satışı ilə bağlı ilk hərrac iyulun 6-da baş tutacaq. “Oba” mağazasının ilkin bazar qiyməti 459,9 min manat, minimum satış qiyməti isə 390 min manat təşkil edir.
Xatırladaq ki, bu tipli hərraclar adətən bankda girov qoyulan əmlaklarla bağlı olur. Böyük məbləğdə kredit öhdəliyi yerinə yetirilmədikdə girov qoyulan əmlak məhkəmə qaydası ilə hərraca çıxarılır və borc öhdəliyi yerinə yetirilir. (Plat.az)
