Azərbaycan yığması Millətlər Liqası çərçivəsində Kiprə qarşı keçirəcəyi oyuna qara sarğı ilə çıxacaq.
BAKU.NEWS xəbər verir ki, bu barədə AFFA məlumat yayıb.
Bildirilib ki, Ermənistan silahlı qüvvələri tərəfindən respublikamızın müxtəlif şəhərlərinin və digər yaşayış məntəqələrinin atəşə tutulması nəticəsində dünyasını dəyişmiş mülki şəxslərin, dinc sakinlərin xatirəsinə ehtiram əlaməti olaraq komandamız Albaniyadakı qarşılaşmaya qara sarğı ilə çıxacaq.
Qeyd edək ki, Azərbaycan – Kipr oyunu oktyabrın 13-də Elbasan şəhərində keçiriləcək.
