Azərbaycan 2027-ci ildə bədii gimnastika üzrə Dünya çempionatına ev sahibliyi edəcək
Frankfurtda keçirilən bədii gimnastika üzrə 42-ci Dünya çempionatının bağlanış mərasimi baş tutub.
Azərbaycan Gimnastika Federasiyasındanverilən məlumata görə, mərasimdə Dünya Çempionatının bayrağı Almaniya nümayəndə heyəti tərəfindən Dünya Gimnastikasına, Dünya Gimnastikası tərəfindən isə Dünya çempionatının növbəti ev sahibinə, Azərbaycan nümayəndə heyətinə təqdim olunub.
Bayrağın təqdim olunması ilə bədii gimnastika üzrə 43-cü Dünya çempionatının 15-19 sentyabr 2027-ci ildə Azərbaycanda keçiriləcəyi ilə bağlı simvolik mərasim baş tutub.
Həm builki, həm də 2027-ci ildə Bakıda təşkil olunacaq 43-cü Dünya çempionatı Olimpiya Oyunlarına təsnifat xarakteri daşıyır. Bakıda keçiriləcək Dünya çempionatında fərdi və qrup hərəkətləri proqramında daha çox gimnastın lisenziya qazanma şansı olacaq, ona görə mundial gimnastların Olimpiya Oyunlarına vəsiqə qazanması baxımından daha vacib mərhələlərdən biridir.
Beləliklə, Azərbaycan həm Dünya çempionatına ev sahibliyi, həm də Olimpiya yolunda mühüm təsnifat mərhələsini qəbul etməklə dünya gimnastikasının diqqət mərkəzində olacaq.
TREND
- Qəzadan sağ çıxdı, yenidən uçuşa qayıtdı – “Rəşadət” ordenli Aydanla səmada duyğulu görüş
- ASCO-da yeni dövrün prioritetləri müəyyənləşdirildi – Tapşırıqlar verildi
- Xaricdə İŞİD-ə qoşulan azərbaycanlılar tutuldu– Biri hərbi təlim keçib
- YAP Nizami rayon təşkilatının növbəti yeni ərazi partiya təşkilatı təsis edilib
- Nərmin Daşdəmirbəyli YAP-ın ərazi partiya təşkilatına sədr seçildi
- Qax rayonunun turizm potensialı və kənd turizminin inkişafı
- Bu xanıma “Azerconnect Group”da yüksək vəzifə verildi
- Britaniya vətəndaşı “PAŞA Bank”ın sədrinə müşavir təyin olunub


