Yaponiya hökuməti qlobal ərzaq təhlükəsizliyi sahəsində qeyri-stabil vəziyyəti stabilləşdirmək üçün 200 milyon dollar ayıracaq.
BAKU.NEWS xəbər verir ki, bu barədə “İnterfaks” məlumat yayıb.
Bildirilib ki, bu barədə Almaniyada keçirilən “Böyük yeddilik” zirvə görüşündə iştirak edən baş nazir Fumio Kişida bildirib.
Yaponiya liderinin açıqladığı vəsait Ukraynaya, eləcə də ərzaq məhsullarının qiymətlərinin kəskin artmasından ağır zərbə alan Yaxın Şərq və Afrika ölkələrinə yardım məqsədi ilə ayrılacaq.
Nəşr yazır ki, ərzaq təhlükəsizliyi G7 liderlərinin sammitində müzakirə olunan əsas mövzulardan biridir.
