Beynəlxalq texnologiya lideri olan Xiaomi şirkəti Əqli Mülkiyyətlə (“ƏM”) bağlı ilk rəsmi ağ sənədini nəşr etdi. Sənəddə şirkətin əqli mülkiyyət və innovasiyalar sahəsində nailiyyətləri təqdim olunub.
Hazırda sənədə 98 alt-seqmenti əhatə edən 5G mobil rabitə texnologiyası, Big Data, bulud hesablamaları və süni intellekt də daxil olmaqla 12 texnoloji tədqiqat və inkişaf sahəsi daxildir. Texnologiya innovasiyası Xiaomi-nin qloballaşmasının hərəkətverici qüvvəsidir, əqli mülkiyyət hüquqları isə gələcək inkişaflar üçün dəstək və qorumanı təmin edir.
Şirkət əqli mülkiyyət sahəsində mühüm irəliləyişlər əldə edib. 30 sentyabr 2021-ci il tarixinə 5G patentinə malik ailələr arasında dünyada 13-cü yerdədir. 30 sentyabr 2022-ci il tarixinə Xiaomi 60-dan çox ölkə və regionu əhatə etməklə dünya üzrə 29.000-dən çox patent əldə edib.
ƏM ilə bağlı təklifləri ilk irəli sürən Xiaomi korporasiyasının tərəfdaşı və prezidenti Van Syan oldu. O bildirdi ki, Xiaomi əqli mülkiyyət hüquqlarına hörmət etməklə və bu sahədə mübahisələrin həlli üçün müxtəlif həllər təklif etməklə yanaşı, istifadəçilərə ən yaxşı texnoloji yeniliklər təqdim etməyə can atır. Onun sözlərinə görə, şirkət ƏM sahəsində qarşılıqlı faydalı, uzunmüddətli və dayanıqlı tərəfdaşlığa və son nəticədə daim artan auditoriyanın xeyrinə texnologiyanın tətbiqinə çalışır.
“Ağ kitab” qlobal ambisiyaları olan Çin müəssisələrinin qarşılaşdığı ƏM sahəsində obyektlərin müxtəlifliyindən və mürəkkəbliyindən bəhs edir. Bununla belə, Xiaomi çoxtərəfli qarşılıqlı fayda gətirəcək strategiyasını inkişaf etdirərək bu sahədə əməkdaşlığa açıq olduğunu nümayiş etdirir. Beləliklə, o, qlobal bazarda iştirakını genişləndirir. Uzun illərdir ki, şirkət biznes və texnologiyanın inkişafı üçün ƏM obyektlərindən geniş istifadə edir.
İstehlakçı tələbinə cavab olaraq, Xiaomi texnologiyanın əqli mülkiyyət hüquqlarına daxil edilməsini təşviq etmək, cəmiyyəti gücləndirmək və dünyada hər kəsə innovativ texnologiya vasitəsilə daha yaxşı həyat sürmək imkanı vermək üçün qlobal biznes tərəfdaşları ilə səyləri birləşdirməyi hədəfləyir.
Xiaomi-nin əqli mülkiyyəti biznes innovasiyalarını təşviq edir
12 il ərzində “Smartfon × AloT” əsas strategiyasını işləyib hazırladıqdan və həyata keçirdikdən sonra Xiaomi dünya üzrə 100-dən çox bazarda iştirakını genişləndirdi. Şirkətin biznesi smartfonlar, smart televizorlar, ağıllı məişət texnikası, daşınan cihazlar və internet xidmətlərini əhatə edir. Tədqiqat və təkmilləşdirmələr smartfon əməliyyat sistemi, təsvirin işlənməsi, şarj cihazları, smart TV əməliyyat sistemi, süni intellekt və s. kimi sahələrdə nümayiş etdirilib.
Məsələn, MIUI-ni götürək. Güclü patent mühafizəsi sistemin davamlı innovasiyasını dəstəkləyir. 30 sentyabr 2022-ci il tarixinə Xiaomi, MIUI əməliyyat sistemi və proqram təminatı xüsusiyyətləri ilə bağlı dünya üzrə 7700-dən çox patentə malikdir. Şirkət həmçinin əsas sxem arxitekturası, təhlükəsizliyin idarə edilməsi və ötürülmənin optimallaşdırılması da daxil olmaqla, smartfonların şarj edilməsi texnologiyası üzrə 700-dən çox patentə sahibdir.
Patent mühafizəsi Xiaomi smartfonlarının təsvir texnologiyasına xas olan yeniliyi təşviq edir. 30 sentyabr 2022-ci il tarixinə Xiaomi-nin dünya üzrə təsvir texnologiyası üzrə 1000-dən çox patenti var. Smartfonların istifadəçi təcrübəsini təkmilləşdirməklə yanaşı, şirkət 5G patent portfelini də genişləndirməyə çalışıb. 2021-ci ilin sentyabr ayının sonuna kimi Xiaomi özünü 5G patent ailələri elan edənlər arasında 13-cü yeri tutdu. 2022-ci ilin sentyabr ayının sonuna olan məlumata görə, Xiaomi 260-dan çox milli, sənaye və qrup standartlarının işlənib hazırlanmasına rəhbərlik edib və iştirak edib və onun texniki imkanları sənaye tərəfindən tanınıb.
Xiaomi-nin IP sistemi ağıllı həyat ekosistemində geniş istifadə hallarının inkişafına səbəb olub. Uzun illər ərzində aparılan araşdırmalardan sonra şirkət bütün dünyada süni intellektlə bağlı 1200-dən çox patent alıb. Xiaomi-nin süni intellektlə zəng zamanı səs-küyün azaldılması texnologiyası 60-dan çox məhsula tətbiq edilib və bu, şirkətin biznesinin inkişafına töhfə verib.
Xiaomi “Xeyir üçün texnologiya” prinsipinə sadiqdir. Texnoloji imkanları sayəsində Xiaomi MIUI əməliyyat sistemində tədricən xüsusi imkanları inkişaf etdirdi. Məsələn, Xiaomi-nin toxunma texnologiyası, ətrafdakı səsin tanınması və mətnin nitqə çevrilməsi texnologiyası müvafiq olaraq görmə, eşitmə və nitq qüsurları olan istifadəçilər üçün nəzərdə tutulub və bütün istifadəçilərə istisnasız olaraq texnologiyanın rahatlığından istifadə etməyə imkan verir.
ƏM Xiaomi-nin qlobal ambisiyalarını dəstəkləyir
2013-cü ildə Xiaomi-nin əqli mülkiyyət sistemi ilkin mərhələdə idi və diqqəti müstəqil şəkildə inkişaf edən texnologiyaların qorunmasına və MIUI-nin aparat təminatı və əməliyyat sisteminin patentləşdirilməsinə yönəltmişdi. Çin bazarına diqqət yetirməklə yanaşı, şirkət Avropa da daxil olmaqla, xarici bazarlara da çıxdı. Smartfonların hazırlanması və satışı biznesi sürətlə inkişaf etdiyi üçün bütün dünyada patent sahiblərinin diqqətini cəlb etdi.
2014-2019-cu illər arasında Xiaomi xarici bazarlarda inkişafını sürətləndirdi. Xiaomi Hindistan və Cənub-Şərqi Asiya bazarlarını ixrac nöqtəsi olaraq götürdü və tədricən Avropa və Latın Amerikası bazarlarına daxil oldu. Bu dövrdə Xiaomi-nin əqli mülkiyyət hüquqları sürətlə böyüdü və 2000-dən çox qlobal patent müraciəti verildi. 2015-ci ildən etibarən qlobal patent müraciətlərinin orta illik həcmi təxminən 6000 olub.
Bu müddət ərzində Xiaomi əqli mülkiyyət sahəsində mürəkkəb mübahisələrlə üzləşdi. Xiaomi Hindistanın smartfon bazarına daxil olduqdan cəmi beş ay sonra, 2014-cü ilin iyulunda qlobal informasiya və kommunikasiya texnologiyaları təminatçısı olan Ericsson ilə patent mübahisəsi ilə üzləşdi. Beş illik məhkəmə çəkişməsindən sonra Xiaomi və Ericsson nəhayət mübahisəni sülh yolu ilə həll etdilər. Bu, 2019-cu ilin sentyabrında baş verdi.
2013-cü ildə BlueSpike Xiaomi-ni bir neçə smartfon modeli üzərində patent hüquqlarını pozmaqda ittiham etdi. Məhkəmə çəkişməsi BlueSpike-ın iddiasının geri götürülməsi ilə başa çatdı və Xiaomi-nin əqli mülkiyyət hüquqlarının biznesin inkişafı səylərini necə qoruduğunu əks etdirdi. Xiaomi həmçinin Sisvel, IPCom və digər şirkətlərə qarşı məhkəmə qərarlarına nail olaraq qlobal ƏM sahəsində FRAND (Ədalətli, ağlabatan və diskriminasiyasız) prinsipinin qurulmasına kömək etdi.
Patentlərin alınması, çarpaz lisenziyalaşdırılması və ötürülməsi kimi müxtəlif vasitələrlə Xiaomi əhəmiyyətli patent nailiyyətlərinin sayını artırdı. 2016-cı ildə Xiaomi və Microsoft qlobal tərəfdaşlıqlarını genişləndirdilər. 2020-ci ildən başlayaraq Xiaomi əqli mülkiyyətin qloballaşmasında böyük irəliləyiş əldə etdi. 2022-ci ilin sentyabr ayının sonuna olan məlumata görə, Xiaomi 60-dan çox ölkə və bölgəni əhatə etməklə dünya üzrə 29.000-dən çox patent əldə edib.
Xiaomi Corporation
Xiaomi Corporation (“Xiaomi”) 2010-cu ilin aprelində yaradılıb. 9 iyul 2018-ci ildə səhmlərini Honq-Konq Fond Birjasında (1810.HK) yerləşdirib. Xiaomi internet-şirkəti əsas diqqətini Əşyaların İnterneti (IoT) platforması əsasında smartfon və intellektual avadanlıqların istehsalına yönəldib.
Xiaomi “İstifadəçilərin üçün dost və onların qəlbində ən yaxşı şirkət olun” düşüncəsinə sadiq qalaraq, innovasiyalara xüsusi diqqət yetirir və yüksək səviyyədə xidmət keyfiyyətini və əməliyyat səmərəliliyini təmin etməyə can atır. Şirkətin missiyası innovativ texnologiyalar sayəsində hər kəsin həyatının yaxşılaşması üçün münasib qiymətə keyfiyyətli məhsullar yaratmağa can atmaqdır.
Xiaomi – smartfon istehsalı üzrə dünyanın aparıcı şirkətlərindən biridir. Şirkət həmçinin 31 mart 2022-ci il tarixinə olan vəziyyətə görə, platformasına qoşulmuş 478 milyondan çox ağıllı cihaz (smartfonlar, planşetlər və noutbuklar istisna olmaqla) ilə dünyanın aparıcı Əşyaların İnterneti istehlakçı platformasını yaradıb. Xiaomi məhsulları dünyanın 100-dən çox ölkə və bölgəsində mövcuddur.
2022-ci ilin avqustunda Xiaomi 226-cı yeri tutmaqla ardıcıl dördüncü il Fortune Global 500 siyahısına daxil edildi.
Xiaomi həmçinin Hang Seng Index, Hang Seng China Enterprises Index, Hang Seng TECH Index və Hang Seng China 50 Index-də təmsil olunur.
Bir şirkət olaraq Xiaomi haqqında ətraflı məlumat üçün bu sayta daxil olun:
https://www.mi.com/global/discover/newsroom
