Ölkə ərazisində qarlı və qeyri-sabit hava şəraiti səbəbindən Yardımlı, Qax, Şamaxı, Daşkəsən və Sabirabad rayonları ərazisində bəzi kəndlərin elektrik enerjisi verilişində fasilə yaranıb.
“Azərişıq” ASC-dən BAKU.NEWS-a bildirilib ki, ASC-nin Qəza xidmətinin əməkdaşları dərhal həmin ərazilərə cəlb edilib, abonentlərin elektrik enerjisi ilə təchizi üçün bütün imkanlar səfərbər olunub. Kəskin hava şəraiti işin intensiv aparılmasına mane olsa da, 6500-ə yaxın abonentin elektrik enerjisi verilişinin bərpası istiqamətində ciddi işlər görülür.
