Bakı şəhəri, Binəqədi rayonu, Abay Kunanbayev küçəsində yerləşən sexdə baş vermiş partlayışla əlaqədar axtarış-xilasetmə əməliyyatı davam etdirilir.
“Unikal”ın məlumatına görə, bu gün hadisə yerinə fövqəladə hallar nazirinin müavini general-leytenant Etibar Mirzəyev və baş prokurorun birinci müavini Elçin Məmmədov gəliblər.
Dağıntılar altında qalan şəxsin qadın olduğu bildirilir.
Qeyd edək ki, hadisə nəticəsində 24 nəfər xəsarət alıb, xilasedicilər tərəfindən dağıntılar altından üç nəfər sağ çıxarılıb, doqquz nəfərin meyiti tapılaraq aidiyyəti üzrə təhvil verilib.
