Gürcüstanda daimi yaşayan xarici ölkə vətəndaşlarının sayı 133 857 nəfərdir.
Bu barədə Gürcüstanın Milli Statistika İdarəsindən bildirilib.
Gürcüstan əhalisinin 2024-cü il üzrə siyahıyaalınmasına əsasən, say baxımından qonşu ölkədə daimi yaşayış hüququna malik əcnəbilərin ilk beşliyində Rusiya, Hindistan, Ukrayna, Azərbaycan və Ermənistan vətəndaşları yer alıb.
Azərbaycan vətəndaşlarının sayı 8 309 nəfər təşkil edir ki, bu da son siyahıyaalınmanın aparıldığı 2014-cü illə müqayisədə 5 073 nəfər və yaxud 2,5 dəfə çoxdur. (APA)
