Vergi mədəniyyətinin və maliyyə savadlılığının təşviqi, tələbələr arasında vergi siyasəti və vergitutma sahəsinə marağın artırılması məqsədilə ilk dəfə olaraq ali təhsil müəssisələrinin tələbələri arasında debat turniri keçiriləcək.
Debat turniri 5-7 iyun tarixlərində Dövlət Vergi Xidmətinin Tədris Mərkəzinin Şamaxı rayonunda yerləşən inzibati binasında təşkil ediləcək. Tədbir Azərbaycan Respublikasının Elm və Təhsil Nazirliyi ilə İqtisadiyyat Nazirliyi yanında Dövlət Vergi Xidməti arasında əməkdaşlıq çərçivəsində həyata keçirilir. Tədbirin əsas məqsədi təhsilalanlar və təhsilverənlər arasında vergi mədəniyyətinin və maliyyə savadlılığının təşviqi, tələbələrdə analitik düşüncə, məntiqi təhlil və ictimai çıxış bacarıqlarının inkişaf etdirilməsi, eyni zamanda vergi sahəsinə marağın artırılmasıdır.
Debat turnirində 29 ali təhsil müəssisəsindən Azərbaycan, ingilis və rus bölmələri olmaqla 64 debatçı iştirak edəcək. Qaydalara əsasən, debat turniri hazırlıq və final mərhələsindən ibarət olacaq. Turnirin hazırlıq mərhələsində komandaların bölgüsü, hakim heyətinin formalaşdırılması və püşkatma prosesi həyata keçiriləcək. Debat mövzuları iştirakçılara turnirdən 14 gün əvvəl elan olunub.
Debatlar hakimlər tərəfindən xüsusi qiymətləndirmə meyarları əsasında dəyərləndiriləcək. Debatın mərhələlərində ən yüksək nəticə göstərən iki komanda final mərhələsinə vəsiqə qazanacaq. Finalda qalib komanda hakimlərin qərarı ilə müəyyən ediləcək və xüsusi hədiyyələrlə mükafatlandırılacaq, həmçinin ən yaxşı 10 natiq təltif olunacaq.
TREND
- İlham Əliyev Almaniyanın xarici işlər nazirini qəbul edib
- “Temu”dan sifariş edənlərin DİQQƏTİNƏ- Platformada təhlükəli mallar satılır
- “Azər-Türk Bank”ın vəzifəli şəxsi 10 min manat CƏRİMƏLƏNDİ
- Saatlıq əməkhaqqı sistemi tətbiq ediləcək
- Prezident bu ölkə ilə əbədi dostluq haqqında Müqaviləni təsdiqlədi
- İnternet provayderləri üçün yeni öhdəliklər müəyyənləşdi
- Mərkəzi Bank nəzarəti süni intellektə həvalə edir
- Din xadimləri ilə bağlı iddiaya – Rəsmi reaksiya


