“S&P Global Ratings” “PAŞA Bank” ASC-nin uzun və qısamüddətli kredit reytinqlərini bankın müraciəti əsasında geri götürüb.
Bu barədə reytinq agentliyindən bildirilib. Bununla bağlı ərar oktyabr ayının 1-də verilib.
Məlumata görə, reytinqlər geri götürülənədək bankın uzunmüddətli emitent kredit reytinqi “BB-”, qısamüddətli emitent kredit reytinqi isə “B” səviyyəsində olub.
Uzunmüddətli reytinq üzrə proqnoz reytinqlərin geri götürüldüyü tarixədək “müsbət” olaraq qalırdı.
Qeyd edək ki, “S&P Global Ratings” 2026-cı ilin martında Azərbaycanın maliyyə institutları üzrə tənzimləmə mühitinin güclənməsi fonunda bir sıra reytinq qərarları açıqlamışdı. Reytinq agentliyi həmçinin, “PAŞA Bank”ın kredit reytinqini təsdiqləmişdi. (Plat.az)
