Çində hərbi tribunal korrupsiyada təqsirli bilinən ordu generalını ömürlük azadlıqdan məhrum edib.
Baku.News-nun məlumatına görə, bu barədə “Sinxua” agentliyi informasiya yayıb.
Məhkəmə prosesində Çin Mərkəzi Hərbi Şurasının Birləşmiş Qərargahının keçmiş rəisi Fan Fenhuyanın rüşvət alıb-verdiyi, mənşəyi məlum olmayan iri məbləğdə pul vəsaitləri aldığı sübuta yetirilib. Generalın adına olan bütün daşınar-daşınmaz əmlak müsadirə olunub.
Yüksək çinli zabit partiyanın intizam qaydalarını pozmaqda təqsirli bilinib.
Fana qarşı istintaq 2018-ci ilin oktyabr ayında başlanılıb. O, hələ ötən il bu ittihamların irəli sürülməsindən sonra Kommunist Partiyasının sıralarından xaric edilmiş və general rütbəsindən məhrum edilmişdi.
