Bu ilin yanvar-iyun ayları ərzində məcburi dövlət sosial sığorta (MDSS) haqları üzrə daxilolmalarda proqnoza nisbətdə 199,2 milyon manat və ya 6,2 % artım qeydə alınıb.
Bu barədə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondundan (DSMF) məlumat verilib.
Bildirilib ki, büdcə təşkilatları üzrə daxilolma ötən ilin müvafiq dövrü ilə müqayisədə 87,1 milyon manat və ya 7,9 %, qeyri-büdcə təşkilatları üzrə isə 199,1 milyon manat və ya 9,7 % artımla olub.
