• Mədəniyyət

Nizami Gəncəvi yaradıcılığı həsr edilmiş konfrans keçirilib

315
14-06-2021, 12:52

Salyan rayon Heydər Əliyev Mərkəzinin təşkilatçılığı ilə Prezident İlham Əliyevin Azərbaycan Respublikasında 2021-ci ilin “Nizami Gəncəvi İli” elan edilməsi haqqında Sərəncamına əsasən “Nizami ili”nə həsr olunmuş “Nizami Gəncəvi yaradıcılığı Azərbaycanın, eləcə də bütün bəşəriyyətin mədəni sərvətidir” mövzusunda elmi-praktik konfrans keçirildi. Konfransda giriş sözü ilə çıxış edən Salyan rayon Heydər Əliyev Mərkəzinin direktoru Nübar Bayramova Nizami yaradıcılığının dünya elmi, ədəbiyyatı və mədəniyyətinin formalaşmasında rolundan danışdı.

Elm və təhsil sahəsində öz sözünü demiş hörmətli ziyalılarımızın iştirak etdiyi video-konfransda çıxış etdim, Nizami Gəncəvinin dünya şərqşünaslığının daim diqqət mərkəzində olduğunu, ölkəmizdə Nizami yaradıcılığının öyrənilməsi və tanıdılması sahəsində xeyli işlər görüldüyünu diqqətə çatdırdım.  Böyük mütəffəkkirin bu il anadan olmasının 880 illiyinin tamam olması ilə əlaqədar cənab Prezident İlham Əliyevin Azərbaycan Respublikasında 2021-ci ilin “Nizami Gəncəvi İli” elan edilməsi haqqında Sərəncam imzaladığını qeyd etdim. Bildirdim ki, məhz cənab Prezidentin imzaladığı Sərəncam, bu gün ölkəmizin elm, mədəniyyət və ədəbiyyat sahələrinin bütün nümayəndələrini səfərbər edib, ölkəmizdə silsilə tədbirlər həyata keçirilir. Azərbaycanın mədəniyyətini, elm və ədəbiyyatının inkişafını daim diqqətdə saxlayan dövlətimizin başçısı cənab İlham Əliyevin dahi şairə verdiyi dəyərin bariz nümunəsi kimi, Prezident İlham Əliyevin təşəbbüsü ilə şairin 870 illik yubileyinin 2011-ci ildə geniş miqyasda və UNESCO səviyyəsində qeyd olunduğunu, həmçinin  20 Aprel 2012-ci ildə İtaliyanın paytaxtı Roma şəhərində Heydər Əliyev Fondunun dəstəyi ilə Roma şəhərindəki məşhur “Villa Borghese” parkında Nizami Gəncəvinin abidəsinin açılışını vurğuladım.

Sonra isə elmi-praktik konfransda iştirak edən AMEA-nın M.Fizuli adına Əlyazmalar İnstitutunun elmi katibi, filologiya üzrə fəlsəfə doktoru Əzizağa Nəcəfzadə, Azərbaycan Yazıçılar Birliyi Muğan bölməsinin sədri Nəbi İbrahimov, Azərbaycan Jurnalistlar Birliyinin üzvü Əzizağa Məmmədli, Biləsuvar Regional Mədəniyyət İdarəsinin Salyan rayonu üzrə nümayəndəsi Günaydın Əhədova, Salyan rayonu 4 saylı tam orta məktəbin direktoru Gülər Quliyeva və Salyan şəhəri 7 saylı məktəb-liseyin müəllimi Günay Əbilova çıxış etdilər.

Konfrans iştirakçıları Azərbaycanda “Nizami İli”nin elan edilməsinin mühüm əhəmiyyətə malik olduğunu, cənab Prezidentin imzaladığı bu Sərəncamın Nizami irsinin öyrənilməsində vacib rol oynadığını bildirdilər. Habelə Nizami poeziyasının sənətkarlıq xüsusiyyətləri və klassik poetik ənənələrdən bəhrələnmə özəllikləri, şairin öz türk soykökünə və doğma xalqına olan məhəbbəti, Nizami yaradıcılığında türk ruhunun mövcudluğundan bəhs etdilər.

Jalə Əhmədova

FACEBOOK ŞƏRH YAZ