• Dünya • İqtisadiyyat • Qarabağ

Palata: "Visa" işğal olunmuş ərazilərdə fəaliyyətini tam dayandırıb

277
15-07-2019, 09:40

"Visa" beynəlxalq kart təşkilatı ölkənin işğal olunmuş ərazilərində öz brendi altında ödəniş kartları ilə bankomatlarda əməliyyatların aparılmasını tam dayandırıb.

Bu barədə BAKU.NEWS-a Maliyyə Bazarlarına Nəzarət Palatasından bildirilib.

Məlumatda deyilir ki, bu qərar Palata ilə birgə fəaliyyət əsasında müəyyən edilmiş faktlar üzrə qəbul edilib. Mövcud problemin həlli istiqamətində əsaslı addımlar atan ilk beynəlxalq kart təşkilatı kimi "Visa" bu ərazilərdə Ermənistan banklarının quraşdırdığı 20-dən çox bankomatda təşkilatın brendini daşıyan ödəniş kartları ilə nağd və nağdsız formada əməliyyatların aparılmasını dayandırıb.

Xatırladaq k, "Visa" Azərbaycanda 1997-cı ildən etibarən fəaliyyət göstərir. Yerli bankların emissiya etdiyi "Visa" brendli ödəniş kartlarının ümumi sayı 3 milyona ədədə yaxındır.

FACEBOOK ŞƏRH YAZ