Bu stansiyada ildə 3,2 milyard k/saat elektrik enerji istehsal ediləcək

400 meqavat gücündə olan “Şimal-2” ES-in əsas komponentlərinə qaz və buxar turbinləri, generator daxildir. Faydalı iş əmsalı 57,4 faiz olan buxar-qaz qurğusu Cənubi Qafqaz regionunda ən yüksək faydalı iş əmsalına malik olan elektrik stansiyasıdır. Stansiyada ildə 3,2 milyard kilovat/saat elektrik enerji istehsal ediləcək və hər 1 kilovat/saat elektrik enerjisinin buraxılışına 214 qram şərti yanacaq sərf oluncaq ki, bu da enerji sisteminin ümumi göstəricisindən 65 qram azdır. Bu isə milyonlarla manata qənaət deməkdir.
BAKU.NEWS xəbər verir ki, bu barədə jurnaistlərə “Şimal” elektrik stansiyanın direktoru Asəf İsmayılov açıqlamasında deyib.

O bildirib ki,stansiyada soyuducu dəniz suyu sahil nasosxanasına sakitləşdirici kanal vasitəsi ilə daxil olur. “Şimal-2” layihəsi ilə əlaqədar yeni su hazırlayıcı qurğu istismara verilib. Qurğu dənizdən götürülən suyu süzgəclərdən keçirərək həm də texniki və içməli su keyfiyyətinə çatdırır. Hər birinin gücü 280 meqavolt amper olan 2 avto transformator 220 kilovoltluq qapalı tipli yarımstansiya tikilib. Yarımstansiyadan sistem əhəmiyyətli 220 kilovoltluq 4 hava xətti çıxır.

A.İsmayılov həmçinin əlavə edib ki, ərazidə 5 min və 3 min kubmetrlik su çəni, qaz kompressor, məişət-maye axıntılarının və axıntı suların təmizləyici qurğuları da inşa edilib. Ərazidə yeni təmir emelatxanası və anbar binası tikilib.