• İdman

Alpaqut Turan Döyüşçüləri Açıq Bakı turnirində güclərini sınadılar

244
7-05-2019, 08:00

Mayın 4-də Şağan Olimpiya İdman Kompleksində Ümummilli Lider Heydər Əliyevin anadan olmasının 96-cı il dönümünə həsr olunmuş Alpaqut Turan Döyüş Sənəti üzrə Açıq Bakı turniri keçirilmişdir.

Baku.News xəbər verir ki, Dövlət himnin oxunması ilə başlayan tədbiri giriş sözü ilə Azərbaycan Alpaqut Federasiyasının Prezidenti Qüdrət Nuriyev açıq élan edərək, yarışmaya qatılan qonaqları salamlayaraq, iştirakçılara uğurlar arzulayıb.

Daha sonra “İki sahil” qəzetinin baş redaktoru, ictimai xadim, Vüqar Rəhimzadə, “Virtual Qarabağ” təşkilatının sədri, Nurəddin Mehdiyev, aprel döyüşləri zamanı böyük şücayət göstərmiş, düşmənin 6 tankını məhv edən, "XXI əsrin qadınları" İctimai Birliyinin sədri Mahirə Əmirhüseynova Azərbaycan Bayrağ ordeni ilə təltif edilən canlı qəhrəmanımız Tahir Misirxanov və Alpaqut Turan Döyüş sənətinin qurucusu Kutsan Vasif Namazov çıxış edərək iştirakçılara uğurlar arzulamışdır.

Tədbirdə 9 nömrəli Uşaq Gənclər İncəsənət Mərkəzinin rəqs qrup rəhbəri Samirə Səfərliyə, canlı qəhrəmanımız Tahir Misirxanov,“Bassi” Plates mərkəzinin direktoru sahibkar Natavan Xanım Hacıyevaya federasiyanın fəxri diplomları təqdim edilib.
Tədbirdə Heydər Əliyev adına Azərbaycan Ali Hərbi məktəbinin İdaloji iş və mənəvi psixoloji təminat üzrə rəis müavini polkovnik Emin Səfərov da dəvətlilər arasında olub.

Tədbirin bədii hissəsində 3 nömrəli Uşaq Gənclər İncəsənət Mərkəzinin rəqs qrupu və Muğan ifaçısı xanəndə Ələkbər Ələkbərov çıxış edib. Turnirdə ölkəmizin Şəhər və rayonlarından ümumilikdə 17 komandadan 244 idmançı Alpaqut Turan Döyüş Sənətinin 4 sistemində ( aypara. batur. caymaz. qurşaq ) öz gücünü sınayıb.

Aypara sistemi üzrə Sabunçu komandası 1-ci yerə,
Batur sistemi üzrə Laçın komandası 1-ci yerə,
Caymaz sistemi üzrə Kəlbəcər komandası 1-ci yerə
Qurşaq sistemi üzrə Qazax komandası birinci yerə laiq görülmüşdür.

Alpaqut Turan Döyüşçüləri Açıq Bakı turnirində güclərini sınadılar

FACEBOOK ŞƏRH YAZ