Rolls-Royce Motor Cars şirkətinin 2021-ci ilin rekord birinci rübü

"Rolls-Royce Motor Cars üçün 2021 - ci il çox uğurla başlayıb ki, bunu satışların rüblük nəticələri -markanın 116 illik tarixi ərzində rekord göstəricilər də təsdiq edir. Modellərimizə, xüsusən də yeni Ghost və Cullinan SUV-lərə güclü tələb, əsas bazarlarda artan satışlar və Bespoke sifarişlərini qeyd edərək, işimiz bu gün əla vəziyyətdədir. 2021-ci ilin qalan hissəsi üçün nikbin olmağımız üçün bütün əsaslarımız var", Torsten Müller-Ötvös, Rolls-Royce Motor Cars şirkətinin icraçı direktoru bildirib.

2021-ci ilin birinci rübü Rolls-Royce Motor Cars üçün rekord həddə çatdı: marka ilk üç ayda 116 illik tarixində ən yüksək göstəriciləri nümayiş etdirdi. Yanvarın 1-dən martın 31-dək 1380 avtomobil müştərilərə təhvil verilmişdir ki, bu da 2020-ci ilin eyni dövrü ilə müqayisədə 62% çoxdur. Şirkət 2019-cu ildə qurulan əvvəlki rüblük rekordu qırdı. Satışlarda artım bütün bazarlarda müşahidə edildi, böyümənin liderləri Çin, ABŞ və Asiya-Sakit okean bölgəsi idi.

Bütün Rolls-Royce modellərinə, xüsusən 2020-ci ildə təqdim olunan yeni Ghost biznes-limuzininə və ultra lüks Cullinan yolsuzluq avtomobilinə olan yüksək tələbat qeyd olunur. Sifarişlər 2021-ci ilin ikinci yarısına qədər yerləşdirilib.

Nəticələr barədə düşünərkən cənab Torsten Müller-Ötvös qeyd edib: "Biz son çağırışlara öz cəsarətimizlə, fantaziyamızla, diqqətli planlaşdırma ilə zamanı reaksiya verdik və müştərilərimizin maraqlarını və tələblərini prioritet olaraq qoyduq. Qudvudda və bütün dünyada Rolls-Royce komandamızın hər bir üzvü bu görkəmli nəticələrin əldə olunmasında mühüm rol oynamışdır. Məhz onların istedadları, səriştələri, işə sadiqliyi və ruh yüksəkliyi sayəsində biz bu gün bu uğurlu mövqeləri tuturuq".