• Cəmiyyət • Gündəm • Hərbi

Elxan İbrahimov Müdafiə Nazirliyindən uzaqlaşdırılıb? - RƏSMİ AÇIQLAMA / YENİLƏNİB

190
26-02-2021, 21:10

Müdafiə Nazirliyindən BAKU.NEWS-un sorğusuna cavab olaraq bildirilib ki, polkovnik Elxan İbrahimov əvvəl olduğu kimi hazırda da Tibb Baş İdarəsi rəisinin müavini vəzifəsindədir.

Tibb Baş İdarəsinin rəisi vəzifələrinin icrası müvəqqəti olaraq polkovnik Firuddin Nəbiyevə həvalə edilib.

*Saat 20:23

Müdafiə Nazirliyinin Tibb Baş İdarəsinin rəis müavini, polkovnik Elxan İbrahimov tutduğu vəzifədən azad edilib.

BAKU.NEWS xəbər verir ki, bu barədə Rupor.az saytı məlumat yayıb.

Qeyd edək ki, Elxan İbrahimov 2020-ci ilin iyulunda sözügedən vəzifədən ehtiyata buraxılan general-mayor Natiq Əliyevin vəzifələrini icra edirdi. O, daha öncə Daxili İşlər Nazirliyinin Daxili Qoşunlar Baş İdarəsinin Tibb xidmətinin hərbi həkim komissiyasının sədri vəzifəsində çalışıb. Polkovnik daha sonra xidmətini davam etdirmək üçün müdafiə nazirinin sərəncamına göndərilib.

Onu da əlavə edək ki, Elxan İbrahimovun müdafiə naziri Zakir Həsənovun yaxın qohumu olduğu bildirilir.

FACEBOOK ŞƏRH YAZ