Fikrət Əmirovun musiqisinin erməninin müəllifliyi ilə təqdim edilməsi yalandır - Mədəniyyət Nazirliyi

Mədəniyyət Nazirliyi Fikrət Əmirovun musiqisinin erməni bəstəkara məxsus olması barədə yayılan məlumatlara aydınlıq gətirib.

BAKU.NEWS xəbər verir ki, Nazirlikdən "Report"a bildirilib ki, bu barədə məlumatlar həqiqəti əks etdirmir.

"Uzun müddətdir ki, sosial şəbəkələrdə və bəzi kütləvi informasiya vasitələrində müxtəlif mənbələrə istinad edilərək görkəmli Azərbaycan bəstəkarı Fikrət Əmirova məxsus musiqi kompozisiyasının erməni bəstəkar Ara Gevorkyanın müəllifliyi altında təqdim edilməsi barədə məlumatlar yayılmaqdadır.

Bildiririk ki, bu məlumatlar həqiqəti əks etdirmir. Belə ki, Fikrət Əmirovun "Qarabağ inciləri" kompozisiyası kimi hesab edilən rəqs musiqisi Azərbaycan bəstəkarına aid deyil.

Fikrət Əmirovun belə bir adda əsəri yoxdur və sözügedən kompozisiyanın da ona aidiyyəti yoxdur", - deyə nazirlikdə bildirilib.