• Mədəniyyət • Gündəm

Həvəskar aşpazlar virtual olaraq 8 ölkəyə səfər ediblər - FOTOLAR

1 562
29-01-2021, 10:50

Məşhur kulinariya qrupunda “Dünyanın dadı” adlı müsabiqə davam edir

BAKU.NEWS bildirir ki, Facebook sosial şəbəkəsinin ən dadlı kulinariya qruplarının biri olan “Азербайджанская Кухня и не только” qrupunda artıq iki aydır “Dünyanın dadı” adlanan müsabiqə keçirir. Bu müsabiqə çərçivəsində iştirakçılar virtual olaraq ölkələri gəzib həmin ölkələrin mətbəxlərinə aid yeməklər hazırlayırlar. Həftənin sonunda isə peşəkar aşpaz Mehman usta Hüseynöv bütün iştirakçıların işlərini qiymətləndirib qalibləri seçir və onlar müsabiqənin sponsorlarından dəyərli hədiyyələrlə mükafatlandırılırlar.

Qrup iştirakçıları artıq 2 ay müddətində 8 ölkəyə baş çəkiblər. Bu ölkələr arasında Türkiyə, İtaliya, Yaponiya, Gürcüstan, Macarıstan, Meksika və Azərbaycan olub. Bu həftə iştirakçılar İsraildədirlər.

Nəzərinizə çatdıraq ki, bi 2 ay ərzində qrupda yuxarıda sadaladığımız ölkələrə aid 500-ə yaxın resept paylaşılıb.

“8 həftədir ki, qrupumuz kulinariya jurnallarını xatırladır. O qədər gözəl, o qədər zövqlü reseptlər paylaşılır ki! Müsabiqəyə olan maraq gözlədiyimdən xeyli artıqdır. Müsabiqə çərçivəsində özüm də hər həftə səfər edəcəyimiz ölkənin mətbəxinə aid yeməklər hazırlayıram. Tam səmimi deyim ki, bu müsabiqə olmasaydı, çoxdan düşündüyüm bir çox yeməklər hələ də planlar siyahısında qalacaqdı. Amma məcbur olub bunu məhz müsabiqə üçün edirəm və ailəmin gündəlik rasioununa xeyli yeniliklər gətirirəm. Artıq quakamole, paprikaş, sesivi, şakşuka və s. kimi adlar hətta uşaqlarım üçün normaldır. Elə məqsəd də bu idi – ailə menumuzu genişləndirmək, dünya mətbəxini daha əlçatan etmək,” deyə Kübra Kərimli vurğulayıb.

Ən maraqlısı isə odur ki, müsabiqənin Bakı əhalisi arasında keçiriləcəyi planlaşdırılsa da, dünyanın müxtəlif nöqtələrindən,Türkiyə, Macarıstan, Kanada, Rusiyavə s, eləcə də rayonlarımızdan da iştirakçılarımız var. Xüsusi olaraq Balakəndən yarışmaya qatılan Təhsil Nazirliyi tərəfindən yaradılan peşə təmayüllü sinif şagirdləridir. Bu siniflər Respublikanın müxtəlif məktəblərində yaradılıb və 10-11-ci sinifləri əhatə edir.

“Balakəndə peşə təmayüllü sinif 2020-ci ilin sentyabdında Qarahacılı kənd tam orta məktəbində yaradılıb. Bizim sinifdə aqronomluq və aşpazlıq ixtisasları var. Xəbər saytlarının birində belə bir müsabiqənin keçirilməsi haqqında məlumat gördüm və dərhal şağirdlərlə bölüşüb, mütləq iştirak edin, maraqlı müsabiqədir dedim. Onlarda sevə-sevə qatıldılar və demək olar ki, hər həftə müxtəlif ölkələrin mətbəxlərinə aid gözəl nümunələr təqdim edirlər. Şagirdlərimizdən biri olan Aytac Hümbətova hətta qaliblər arasında da olub, onun işini Mehman usta çox bəyənib”, deyə Balakən üzrə Peşə təmayüllü sinfin rəhbəri Sevinc İbadova qeyd edib.

Xatırladaq ki, növbəti həftələrdə qrup üzvləri Hindistan, Çin, Amerika və İspaniyaya virtual səyahətlər edəcəklər.

Müsabiqəyə qoşulmaq üçün Facebookdakı “Азербайджанская Кухня и не только” qrupuna üzv olmaq lazımdır: https://www.facebook.com/groups/158809490864818/

Müsabiqənin şərtləri haqqında ətraflı məlumat qrupda paylaşılıb.

Müsabiqənin baş sponsoru “Soliton” Mağazalar Şəbəkəsi, sponsorları isə“Doymak” və “Qaymaq Premium Gida”dır.

Xatırladaq ki, “Азербайджанская Кухня и не только” qrupu 2011-ci ildən fəaliyyət göstərir və qrupun 20000-dən çox üzvü var.













FACEBOOK ŞƏRH YAZ