• Cəmiyyət • Gündəm

“AAAF Park”la bağlı növbəti qalmaqal: pullar hara getdi?

2 020
1-06-2020, 14:55

Son günlər “AAAF Park” Yaşayış Kompleksində olan problemlərin bu vaxta qədər həll edilməməsinin vətəndaşların haqlı olaraq qəzəbinin pik həddə çatdığını müşahidə edirik.

BAKU.NEWS xəbər verir ki, məsələ burasındadır ki, dəfələrlə mediada, sosial şəbəkələrdə qaldırılan bu problemlər bu vaxta qədər həll olunmamasıdır. Vətəndaşlar dəfələrlə müxtəlif aksiyalar keçirirərək öz etirazlarını bildiriblər.

Vətəndaşlar konkret olaraq bildirirlər ki, hər ay “AAAF Holdinq” MMC-yə hər mənzilə görə 300-450 manat civarında vəsait ödənilir. Bununla da əldə etdiyimiz məlumata əsaslanaraq şirkətin xəzinəsinə aylıq 450 000 - 600 000 manat vəsait daxil olur. Mənzillərin çox hissəsinin pulu məhz sakinlərin inanaraq şirkətin təşkil etdiyi kampaniya sayəsində ödənilib. Sonradan məlum olub bu kampaniya sən demə pul yığmaq üçün bir tələ imiş. Buna baxmayaraq vətəndaşlardan yığılan pulların hesabına tikinti davam etdiriməli idi. Lakin göründüyü kimi kompleksdə heç bir tikinti işləri aparılmır. 22 binadan hər ay ödənişlər verilir. Vətəndaşlar yaşayış olan binalarda öz mənzillərinə görə çıxarışlar almayıblar. Daxili alqı-satqı yolu ilə hər mənzildən 2000 manat tələb edilir. Hamıya maraqlıdır bu pullar hara gedir? Nə üçün xərclənir heç kəsə bəlli deyil. Artıq 6 ildən çoxdur ki, vətəndaşları belə süründürməçiliklə məşğul edirlər.

Tofiq Heydərov

Verilən məlumata görə, ilin əvvəlindən şirkət rəhbəri Tofiq Heydərov daxildə ümumi iclas keçirərərk Turan İbrahimovu rəhbər təyin edib və şirkətin ona tam məxsus olduğunu bildirib. Bununla yanaşı Fazil Gülüşovu şirkətin baş mühasibi təyin edib, özü isə Astaraya köçərək ordakı bizneslərini idarə edir.
Bütün bu baş verən hadisələrdən sonra şirkətdə dəyişiklilər görünməyə başlayıb. Turan İbrahimovun qaynatası Zahid Məmmədov tikintiyə nəzarətçi təyin edilib. Tikintiyə rəhbər isə Zöhrab adlı şəxs təyin edilib . Zöhrab həm də Fazil Gülüşovun yaxın dostudur. Gülüş doğuran şirkətə yeni təyin olunananların aylıq əmək haqqları isə insanları daha da qıcıqlandırır.

Belə ki, Turan İbrahimov 25 min manat, Fazil Gülüşov 10 min manat, Turan İbrahimovun qaynatası Zahid Məmmədov 4 min manat, tikintiyə nəzarət Zöhrab adlı şəxs 3 min manat, şirkətin xəzinədarı Zaur adlı şəxs isə 5 min manat aylıq maaş alır. Vergilər Nazirliyinin problem yaratdığı şirkətin qeyri rəsmi əməkdaşları iş getmədiyi halda hansı səbəbdən özlərinə 6 il aldadılmış vətəndaşların pulunu öz aralarında bölürlər.

Soldan-sağa: Fazil Gülüşov, Turan İbrahimov

Digər məsələ isə budur ki, “AAAF Holdinq” MMC hər dəfə qeyd edir ki, onların işini ləngidən məhz Vergilər Nazirliyidir. Yəni nazirlik qanunsuz olaraq tətbiq etdiyi cərimələrə görə, yığılan pulların müəyyən miqdarı ora verilir. Bu da öz növbəsində tikintinin dayanmasına səbəb olur. Burdan suallar çıxır ki, əgər bina tikilib təhvil verilməyibsə Vergilər Nazirliyi sizdən necə pul ala bilər? Demək ki, “AAAF Holdinq” MMC rəhbərliyi dövlət qurumuna şər atır və bununla da özünü "təmiz"ə çıxardır.

Ölkə başçısı özəl sektorda iş adamlarının işini daha asanlaşdırması üçün istismarına icazə verilən binalardakı mənzillərə çıxarışların verilməsi ilə bağlı fərman da imzalayıb. Lakin “AAAF Holdinq” MMC şirkəti cənab prezidentin bu fərmanına heç bir məhəl qoymayıb.

Yazı ilə bağlı qarşı tərəfində mövqeyini dərc etməyə hazırıq.

FACEBOOK ŞƏRH YAZ