• İdman • Gündəm

Azərbaycan I divizionu bərpa olunmayacaq

476
31-05-2020, 16:44

Koronavirus pandemiyası üzündən dayandırılan Azərbaycan çempionatının I divizionu bərpa olunmayacaq.

BAKU.NEWS-un məlumatına görə, Azərbaycan Premyer Liqası və kubokunun bərpası barədə qərar qəbul edən AFFA martda dayandırılan aşağı dəstə barədə qərarı İcraiyyə Komitəsinin öhdəliyinə buraxıb.

Bu isə o deməkdir ki, iyunun 21-də bərpa olunacaq Premyer Liqadan fərqli, I divizion yarımçıq qalacaq. Çempionatın başa çatmış elan olunması, yoxsa ləğv edilməsinə İcraiyyə Komitəsi qərar verəcək.

Komitənin iclasının dəqiq tarixi bəlli olmasa da, aşağı liqa təmsilçiləri məhz həmin yığıncağı gözləməyəcək. Əgər mövcud turnir cədvəlini tanımaq barədə qərar qəbul olunarsa, “Turan Tovuz” çempion elan ediləcək, “Səbail-2” ikinci, “Zaqatala” üçüncü olacaq. Çempionatın davam etdirilmədən yarımçıq başa çatması turnirin bombardiririnin də kimliyinə aydınlıq gətirəcək. “Qarabağ-2”nin futbolçusu Musa Qurbanlı çempionatın ən məhsuldar futbolçusu adını qazanacaq. “Qarabağ”ın baş məşqçisi Qurban Qurbanovun oğlu divizionda 15 qol vurub. Lakin I divizionun mövsümün nəticələrinin ləğvi mükafatçıların müəyyənləşməməsi ilə yekunlaşacaq.

FACEBOOK ŞƏRH YAZ